غزل
( گشت ایله دیم رقص ایله دیم میخانه دن میخانه
توکدوم شـراب لاله گون پیمانه دن پیمانه یه ) *
پیمانه پیمان مظهری , کین دن کدورت دن گئری
ائیله ر تداعی کوثری سـرخوش لانان مستانه یه
مستانه لیک ده ن دم به دم سینه ام ده بیلدوم بوللو غم
اولدوم بو غم ده ن محتشـم دوندوم ده لی دیوانه یه
دیوانه ی عشقین منم من یوخ نه یم یالنیز سن ام
دوشدوم بیابانه صنـم یوخ دور نیازیم خانه یه
خانه ام گئدیب دیر غارته مین رخنه دوشموش طاعته
حسرت چکه رجان راحته تا چاتمایب جانانه یه
جانانه نازائتمه ک ده دیر اندیشـه سی گئتمه ک ده دیر
اوز قصدینه یئتمه ک ده دیربیلمه ام نه دن آیا نه یه ؟
تاتئل لرین ساهمانلایار هـربیراورک وار قانلایار
بیلمه م کی آیا آنلایار نیلـر ال آتچاق شانه یه
شانه ایله زولفین وئر یئـله قوی عطرینی یایسین ائله
توک صونرادان نازک بئله من جان وئریم شکرانه یه
حسنونده ن ای گل کوبه کوهـر یئرده واردیر گفتگو
من عاجز , عشقین گوجلو هو چئوریلمیشوک افسانه یه
غم غم لر اوستن گلدی هی کوپ لرده محبوس اولدومی
یالقیز سیزیلدار قالدی نی دوندو سه سی حنانه یه
داودکیانی
اردبیل - اردیبهشت 1388
* بوبیت رحمت لیک میرزامهدی شکوهی مراغه ای ده ن دیر
