انجمن ادبی حافظ اردبیل

کیم دیر بومنیم جسم ایله جانیم آراسیندا

افغانه گلیب جان وجهانیم آراسیندا

هر ناله ده برپا  ائله یر اود اورگیمده

هی شعله چکیر کام وزبانیم آراسیندا

تندردی دئیرسن کی وورور نعره جگرده ن

یا برق دی خود رازنهانیم آراسیندا

آتش بئله بیر شعله چکنمز گه وبیگه

یارب بو نه دیر روح وروانیم آراسیندا

وولقان داغی تک دود ودمین ائیله یر افشان

وحشت اودورام اوز خفقانیم آراسیندا

یوخ کیمسه خبردار بو اودلو ایچریمده ن

چیرپینتی دایام  نام ونشانیم آراسیندا

فریادسخنور کی غم ومحنت حرمان

یاخدی منی اوز سوزنهانیم آراسیندا

اسکندرنجفی سوها – سخنور

       اردبیل 26/1/1388