غزل...
اکدیم نانا نرگیز بیچه ام آنجاق یازا قالدی
نیلیم امه گیم بیر باخیشا بیر نازا قالدی
یوز دورنا غزل سو گه تیریب تا کی سووارسون
یانمیشلیقی دار گوز سورو اردک غازا قالدی
دوزدوک بورانا قیشدا آجی شاخدایا دوزدوک
باغ باغچا بوتون سولمایا تک سولمازا قالدی
آغزیم نئچه واقت دیر کی یامان دادسیز اولوبدور
کونلوم نه بیلیم یارپوزا یا ساققیزا قالدی
سانجی چکیره م بیر غزلی دوغماغا خاطیر
آی گون سوئوشوبدور داها گون اولدوزا قالدی
نه من ده چیخار واردی نه ده پاسلی سازیم دا
سوز دولدو بارا سئزلاماق آنجاق سازا قالدی
کوک لنمه دی شیرازدا سوزوم ده ن کسیل اولدو
تئل تئل دولاشوب تئل لری سوز قافقازا قالدی
ده ن دوش نه اکیلمیشدی کوکون ده ن چوخو یاندی
نیله ک چوخا چوخ یوخدو گمانیم آزا قالدی
کهنه لدی بوتون دب لریمیز سوزلریمیز تک
دگیشیلمه دی غم لرده کدرده تازا قالدی
گئن دنیا بیزه ایندی قبیرده ن ده دار اولموش
اوچدو یووا بیر چر چووا بیر دروازا قالدی
بوش چالخالانیرمیش غزلین یووروگو گوی ده
نادم ده دوروب ایسته دی یازسین
یازا قالدی
محمد فرید (نادم) اردبیل 5/4/91