آشکاراچیخ ای گوزل صحنه ده گاه دان گوروک

اولکه ده واردیر سنین ایسته یه نین بیر بولوک

 سینسیدیب آخیر منی بارغم فرقتین

غصه هجرین ده من بیردری ام بیر سوموک

هرنه دئیرسن دئنن هرنه ائدیرسن ائله

رشته زولفون دولا دوت منی بور یاکی بوک

گوزلرین آچ نازایله / دوی بوآغیرنکته نی

عشق شه وه قا شدیسا عاشق اونادیر اوزوک

گه ل من ایلن قول قولا سئیر ائده ک عشقین یولون

باشقا سوزو بوشلیاق سان کی چوروک دیر چوروک

دالغالی دریاکیمی عشقی دوتاق هرزامان

هرنه یه ال آتسامیز یوخسا کوپوک دیر کوپوک

یازکیمی دیر حالتین ماوی سما صورتین

زلف سمن سایه وه یاخچی ووروب سان هوروک

یوخدی سخنور اونا ئولکه میزایچره حریف

وصلینه هاردان چاتارمن کیمی بوینو بوکوک

 

 اسکندرنجفی سوها – اردبیل

         ۱/۲/۱۳۸۸