یار گئتـــــدیکجه  تحسر دل  شیداده دورار

عمر واردیقجا هوس عاشق رسواده دورار

سیل طعن ائیله تمـــوج لن آلیب  دوروبریم

بنزه ره م بیر قوجامان داغه کی دریاده دورار

دویسه ده جانیمی  مین لرجه ملامت لپه سی

زورق  همتیــــــم  اول کی  تمنـــــاده دورار

بیستون سینه سینه دگسه ده مین تیشه گئنه

جوره تمکین ائده ره ک دوردوغو ماواده دورار

نقـــــد جـــــــان ایسه بهای طلب یار ایشته

جان به کف عاشیق صادق ائله سوداده دورار

نه غم اوغراتسادا بیر گون منی افنایه زامان

من گئده ر سم سه مرامیم گئنه دنیاده دورار

دورموشام پیش وپس طعن ده صابر نئجه کیم

او  الف لر  کی پس وپیش  اطعناده   دورار

 

 میرزاعلی اکبرطاهرزاده - صابر(هوپ هوپ)