چیخسا اوکی ده ن
ساقی زامانین جبری منی سالسادا هی ده ن
سرشار ائله جان ساغری نی قیرمیزی می ده ن
هجران ستمین ده ن اوجالیب گوگ لره ناله ام
سوسدورمنـــی آنجاق سوروش احوالیمی نی ده ن
من مدرسه ده تکجــــــــه بو بیر نکته نی قاندیم
مشکل آپارام فایـــدا (الف) ده ن یادا ( ب)ی ده ن
قانمـاق نه قه در چوخ او قه ده ر یانماقین آرتیق
بختین بو قــه در باغری نی چاتلاتما گیلی ده ن
دونموش بییینه گون ده کسر یوخدور اریتسین
بوشلا قوزئ یی باشلاما افسانـــــــه گونئی ده ن
خرمایه یاخینلاش نئجـــــــــــــه کی حضرت زاهد
گوزیومدی خداده ن ولی گوز یوممادی ری ده ن
قاضی کی قضاوت ده اوگئی دوغمــــــاسی اولدو
باج آلمالی دیر حشـــره کیمی دوغما اوگئی ده ن
ایمان ائوی کفرین پیله گی ایلن یئخیلانـــــــدیر
هریئرده اجل قصری اگر سست اولا پـــــــــی ده ن
قانماز ائله قانمازدی باشــــــــی عرشه ده چاتسا
یوخ فرقی پاریس ده ن اولا صادر یا رضی ده ن
باغلاردا یئرین برکیــــــــــــــــده بیلسه قارا قارقا
بولبول چیخا بیلمــــــــز یازا قورتارسادا دی ده ن
انسانی فنرمثلی کی یئغدین آچیلانـــــــــــــــــــــــدا
گاه آنکارادان باش چیخـادار گاه دا دوبی ده ن
سانما کئ یئ یب ظلمکـــــــــــــارا قارشی قلم لر
تابوته دونر تخت قلم چیخـــــــــدی کی کئی ده ن
ایسترسن اولاغ یوللانا قارداش یئمین آرتیـــــر
عیسی ائله ین معجزه نی اومما هـــــــوچی ده ن
رستم سن اگر گوجلـــــــو اولانمازسن اجل ده ن
سلطان سان اگرفایدالان افسانـــــــه ی کی ده ن
جسمون کی نهایت ده اولار قورد قوشا قسمت
منده ن سوز ائشیت ائیله حضر اوچ دانا پی ده ن
پول دور بو اوچون ان بویوگی هر قده ر آرتسا
قاپمـــــــــاق دا یقین سبقت آلارسان آنا لی ده ن
پارتی نظریم دیر او ایکینجی پی یه دایـــــــــــــــر
پارت ایلا آشان ایش سالاجاق پی سری هی ده ن
آیدین دیر اوچونجو پی علامت دی پلــــــــوودان
بوکسون کیسه سی گورنه یه وارث دی کلی ده ن
دوزگون سوزونه ( عاصم ) اگرمشتــــری قالسا
ائل لر آرا نشر اولمالی دیر چیخســــا اوکی ده ن
عاصم اردبیلی - اردبیل 4/7/1389